Ýewropanyň gaz saklaýyş desgalary tomus möwsüminde nasos arkaly ýygnalan ýangyjyň mukdaryndan 90,8% boşady diýip, Sputnik habar berýär. Şeýle maglumatlar Gaz geçiriji operatorlaryň birleşmesine (Gas Infrastructure Europe) salgylanyp, “Gazprom” tarapyndan berilýär.
Konserniň maglumatlaryna görä, 12-nji fewralda Ýewropanyň saklaýyş desgalarynda işjeň gazyň mukdary geçen ýylky görkeziji bilen deňeşdirilende, 22%-den gowrak ýa-da 9,9 mlrd kub metr azaldy.
“Ýewropanyň ýerasty gaz saklaýyş desgalarynyň umumy dolujylyk derejesi 34%-den hem az. Şol bir wagtyň özünde Germaniýanyň we Fransiýanyň ýerasty ammarlary 2/3-den gowrak boşadyldy” – diýlip, habarda aýdylýar.
