COVID-19 pandemiýasynyň “ýiti döwri” ýylyň ortalaryna çenli her ýurduň ilatynyň 70%-ine sanjym etmek maksadyna ýetilen halatynda şu ýyl tamamlanyp biler diýip, Bütindünýä saglygy goraýyş guramasynyň ýolbaşçsy Tedros Adhanom Gebreýesus BSGG-niň ýerine ýetiriji geňeşiniň mejlisinde aýtdy. Ýöne onuň aýtmagyna görä, “omikron” iň soňky ştamm ýa-da pandemiýa tamamlanýar diýip pikir etmeli däl. Gebreýesus global derejede täze ştammlaryň döremegi üçin amatly şertler bar diýip hasaplaýar. Muny Euronews-e salgylanyp, Day.Az ýetirýär.
Ýewropanyň käbir ýurtlarynda kadalaşma prosesi dowam edýär. Italiýada köçelerde hökmany örtük dakynmak düzgüni ýatyryldy. Belgiýa hem 12 ýaşa çenli çagalardan açyk howada we ýapyk ýerlerde örtük talap etmegi bes eder we hökmany distansion işi ýatyrar. Bu karar pandemiýa bilen göreş boýunça komitetiň mejlisinden soň patyşalygyň hökümeti tarapyndan kabul edildi. Gijeki klublaryň açylmagy we barlarda hem restoranlarda çäklendirmeleriň aýrylmagy-da goldanyldy.
