Italiýada köçede örtük dakynmak düzgüni ýatyrylýar

  • 10.02.2022 16:23
  • 13k+

Italiýanyň ähli ýerinde açyk howada adamlaryň üýşýän ýagdaýlaryndan daşary hökmany örtük dakynmak düzgüni ýatyrylýar. Respublikanyň Saglygy goraýyş ministri Roberto Speransanyň degişli karary 11-nji fewralda güýje girer diýip, “Corriere della Sera” gazeti habar berýär.

“Açyk howada örtük dakynmak hökmany däl, şol bir wagtyň özünde 31-nji marta çenli ýapyk binalarda şahsy gorag serişdelerini (örtük) dakynmalydyr” – diýlip, kararda aýdylýar. Ýapyk ýerlerde örtük dakynmak düzgüni alty ýaşdan kiçi çagalara, örtük ulanmaga rugsat bermeýän keselleri bolan adamlara, şeýle-de sport bilen meşgullanýanlara degişli däldir.

31-nji martda pandemiýa bilen baglanyşykly hereket edýän adatdan daşary ýagdaý düzgüniniň möhleti tamamlanýar. “la Repubblica” gazetiniň habar berşi ýaly, mart aýyndan başlap stadionlar 100% doldurylyp bilner.
Ýurduň häkimiýetleri ilat sanjymlarynyň ýokary derejede bolmagy esasynda epidemiologiýa ýagdaýynyň gowulaşýandygyny aýdýarlar. 
Ýurtda soňky bir günde täze kesel hadysalarynyň sany 100 müňden geçdi, koronawirusyň netijesinde 415 ölüm hasaba alyndy. Häzirki wagtda Italiýada 1,9 milliondan gowrak adam keselledi, ýöne hassahana ýerleşdirilýänleriň (18 müňden gowrak) we intensiw terapiýa bölümlerindäki hassalaryň sany (1,3 müň) azalýar.


şu gün 17:34
4.2k+

Italiýada etrusklaryň saç üçin halkalary bolan 2600 ýyllyk el degrilmedik mazary tapyldy

Beýlor uniwersitetinden Dawid Zoriýanyň ýolbaşçylygyndaky arheologlar topary Italiýada etrusklaryň (b.e. öňki I müňýyllykda ýaşan gadymy medeniýet) 2600 ýyllyk el degrilmedik mazaryny tapdy. Rimden 70 km uzaklykda ýerleşýän bu tapyndy Gadymy Rimiň döremezinden öňki taryhy öwrenmek üçin iň möhüm maglumatlaryň biri hasaplanýar diýip, uniwersitetiň resmi saýty habar berýär...

23.07.2025 07:17
6.9k+

Sisiliýanyň kenarynda bogaldagy saklanyp galan gadymy grek gämisi tapyldy

Arheologlar Sisiliýanyň günorta-gündogar kenar ýakasynda bogaldagy we urgany saklanyp galan gark bolan gadymy grek gämisini tapdylar. Gämi b.e. öňki VI–V asyrlarda gark bolupdyr diýip, LBV portaly habar berýär...

17.06.2025 10:45
4.1k+

Italiýada dünýäde iň uly asma köprini gurmak meýilleşdirilýär

Italýan häkimiýetleri ýene-de Messina bogazynyň üsti bilen asma köprini gurmak meýilnamasyny maslahatlaşýar. Býujeti 13,5 mlrd ýewro bolan taslama durmuşa geçirilen ýagdaýynda, köpriniň esasy sütün aralygy 3,3 km bolar we bu rekorddyr...

31.05.2025 10:42
4k+

Türkmenistan we Italiýa arheologik barlaglar babatynda hyzmatdaşlyk hakynda ylalaşyk baglanyşdylar

Türkmenistanyň Medeniýet ministrligi Italiýanyň degişli düzümleri bilen arheologik barlaglar babatynda hyzmatdaşlyk hakynda ylalaşyklary gazandy. Ylalaşyklary özara alyşmak dabarasy Prezident Serdar Berdimuhamedowyň Gazagystana iş saparynyň çäklerinde geçirildi...