Elektokarlary öndüriji amerikan Tesla Inc howpsuzlyk kemeriniň ildirilmändigi baradaky ses signaly bilen baglanyşykly näsazlyk sebäpli 817 143 awtomobili yzyna gaýtarýar. Bu barada INTERFAX.RU habar berýär.
ABŞ-nyň Ýollarda hereket howpsuzlygynyň milli edarasynyň (NHTSA) habarynda bellenilişi ýaly, kompaniýanyň awtomobillerinde howpsuzlyk kemeriniň ildirilmändigi barada duýdurýan ses signaly hemişe işlemeýär. “Şu sebäpli awtomobiller mehaniki transport serişdeleriniň federal howpsuzlyk ülňüleriniň talaplaryna laýyk gelmeýär” – diýip, edara ýazýar.
Yzyna gaýtarylýan awtomobilleriň arasynda 2021-2022-nji ýyllarda çykarylan Model S we Model X, 2017-2022-nji ýyllaryň Model 3s we 2020-2022-nji ýyllaryň Model Y ulaglary bar. Kompaniýa 1-nji aprele çenli görkezilen awtomobilleriň eýelerine habar iberjekdigini aýtdy.
