Türkmenistan 17-nji ýanwardan 4-nji mart aralygynda geçirilýän «Merkezi Aziýa — Wirtual EXPO» (CAVEX II) ikinji onlaýn sergisine gatnaşýar. Onda türkmen kompaniýalarynyň we döwlet edaralarynyň jemi 20-si öz önümçiligini görkezýär.
Russiýa we täze Garaşsyz döwletler bilen söwda boýunça Ýapon assosiasiýasy Ýaponiýanyň Ykdysadyýet, söwda we senagat ministrliginiň goldaw bermeginde wirtual gözden geçirişiň guramaçysy bolup çykyş edýär. Serginiň çäklerinde ýapon kompaniýalary bilen bilelikde maýa goýum webinarlary, pikir alyşmalar we işewürlik boýunça dürli çäreler geçirilýär. Onda Merkezi Aziýa ýurtlarynyň milli günleri hem guralýar.
Ýeri gelende bellesek, serginiň çäklerinde 14 — 18-nji fewralda Türkmenistanyň günleri geçirilýär. Onuň dowamynda «Ýaponiýa bilen Tüürkmenistanyň arasyndaky söwda we maýa goýum gatnaşyklaryny mundan beýläk-de ösdürmegiň mümkinçilikleri» atly onlaýn maslahaty, «Ýaponiýa üçin CAVEX II-ä gatnaşýan türkmen kärhanalarynyň tanyşdyrylyşy» webinary we Türkmenistanyň kärhanalarynyň 3-sine wirtual syýahaty guramak meýilleşdirildi.
