Bali dynç alyş adasy 4-nji fewraldan başlap ähli syýahatçylar üçin ýuwaş-ýuwaşdan açylar. Bu barada Indoneziýanyň Deňiz işleri we maýa goýumlar boýunça ministri Luhut Panjaýtan aýtdy diýip, TheJakartaPost-a salgylanyp, Tengritravel.kz habar berýär.
Ýerli häkimiýetleriň habar bermegine görä, doly sanjym alanlar üçin ýeňillikler hem giriziler. Olar üçin karantin möhleti ýedi günden bäş güne çenli azaldylýar. Indoneziýada “omikron” sebäpli COVID-19 hadysalarynyň sanynyň köpelýändigine garamazdan, doly açmak barada karara gelindi. Indoneziýanyň häkimiýetleri syýahatçylyk pudagynyň işini dikeltmäge mejbur bolýarlar, sebäbi bu pudak ösdürilmese, ýurt ykdysady betbagtçylyga uçrap bilýär.
Mundan öň, oktýabr aýyndan Bali adasyna bäş ýurduň, ýagny Birleşen Arap Emirlikleriniň, Ýaponiýanyň, Hytaýyň, Günorta Koreýanyň we Täze Zelandiýanyň raýatlaryna girmäge rugsat berildi. Ýöne bu ykdysadyýeti dikeltmek üçin ýeterlik däldi. 2020-nji ýyla çenli gelýän syýahatçylar gaznanyň 54 göterim girdejisini üpjün edýärdiler.
Özüniň sýorfingi, ybadathanalary, şaglawuklary we gijeki durmuşy bilen belli bolan Bali pandemiýadan öň 2019-njy ýylda 6,2 mln daşary ýurtly syýahatçyny kabul etdi.
