Hökümetiň 28-nji ýanwardaky mejlisinde wise-premýer Ç.Gylyjow ýurdumyzyň Dokma senagaty ministrligi tarapyndan Kaka we Babadaýhan dokma toplumlarynyň täze önümleriniň haryt nyşanlarynyň teklip edilýän görnüşleriniň taslamasynyň işlenip taýýarlanylandygyny habar berdi we olary türkmen Liderine hödürledi.
Prezident Gurbanguly Berdimuhamedow dokma önümleriniň “Jeýtun”, “Mäne” atly täze haryt nyşanlaryny makullap, türkmen dizaýnerleriniň içerki bazaryň isleglerini öwrenmek we ilatyň möwsümleýin isleglerinden ugur almak bilen, egin-eşikleriň we beýleki harytlaryň täze görnüşlerini işläp taýýarlamalydyklaryny, önümçilige girizmelidiklerini belledi hem-de wise-premýere bu babatda degişli görkezmeleri berdi.
