Bütindünýä Saglygy Goraýyş Guramasynyň Ýerine ýetiriji komiteti guramanyň häzirki baş direktory Tedros Adanom Gebreýesusyň dalaşgärligini bu wezipä ikinji bäşýyllyk möhlete saýlamaklyga hödürledi. Bu karary Ýerine ýetiriji komitetiň agzalary sişenbe güni Ženewada 150-nji sessiýada kabul etdiler, diýip TASS habar berýär.
Ýerine ýetiriji komitetiň sekretarlygynyň wekili garyşyk görnüşinde geçýän sessiýada gurama tarapyndan kabul edilen teksti okady. Onda bellenilişi ýaly, «Ýerine ýetiriji komitet Tedros Adanom Gebreýesusy Bütindünýä Saglygy Goraýyş Guramasynyň baş direktory wezipesine öňe sürýär» we «bu dalaşgärligi 75-nji Bütindünýä saglygy goraýyş assambleýasynda hödürleýär».
BSGG-niň ýokary wezipesine ýeke-täk dalaşgär bolan Gebreýesusyň dalaşgärligi boýunça ses berişlik 2022-nji ýylyň 22-28-nji maýynda Ženewada geçirilmegi meýilleşdirilen Bütindünýä saglygy goraýyş assambleýasynda geçiriler.
