Hytaýyň häkimiýetleri koronawirusyň dürli ştammlary tarapyndan ýüze çykýan keselçilik ýaýrawynyň mümkin bolan çeşmesini anykladylar. Günorta Hytaýda Guandun welaýatynyň administratiw merkezi Guançžowyň Arassaçylyk we saglygy goraýyş boýunça Komitetiniň beýanyna laýyklykda, keselçilik ýaýrawynyň çeşmesi poçta ibermeleri bolup durýar. Bu barada TASS habar berýär.
Ýurduň häkimiýeti raýatlary COVID-19 keselçiliginiň howpy ýokary bolan ýurtlardan we sebitlerden, şeýle hem Hytaýyň özündäki keselçiligiň ýaýran ýerlerinden poçta ibermelerini almazlyga çagyrdy.
Ýurduň ilatyna poçta ibermelerine seresap çemeleşmeklik, olaryň örtügini ýyrtmazlyk we agyz-burun örtüginden peýdalanmaklyk maslahat berildi.
25-nji ýanwardan başlap, ýurtda paýtagt şähere we onuň golaýyndaky Çžanszýakou şäherine poçta ibermeleriniň barlagy güýçlendiriler. Bu ýerlerde ýakynda Gyşky Olimpiada geçiriler. Çäklendirmeler Pekinde 13-nji martda Paralimpiada tamamlanýança hereket eder.
Howpsuzlyk barlagyndan geçendigi barada ýörite belligi bolmadyk poçta ibermeleriniň ählisi ugradyjylara yzyna iberiler.
19-njy ýanwarda ýurtda koronawirus ýokanjy bilen keselleme ýagdaýy gaýtadan ýüze çykdy: bir günde 100-den gowrak keselleme ýagdaýy hasaba alyndy.
