Amazon amerikan korporasiýasy şu ýyl ownuk egin-eşik söwdasy üçin ilkinji Amazon Style dükanyny açar, ol Kaliforniýa ştatynyň Los-Anjeles şäherinde ýerleşer. Bu barada kompaniýanyň saýtynda ýerleşdirilen metbugat relizinde aýdylýar diýip, TASS habar berýär.
“Biz ilkinji ownuk moda egin-eşik söwda dükanymyz bolan Amazon Style-i hödürlemäge şat. Bu dükanda müşderiler aýal-gyzlaryň we erkekleriň egin-eşikleriniň, aýakgaplarynyň we aksessuarlarynyň dürli görnüşlerini tapyp bilerler” – diýlip, beýanatda görkezilýär.
Amazon Shopping ýöriteleşdirilen programmasynda QR kody boýunça alyjylar üçin ol ýa-da beýleki bir harydyň ölçegleri, reňkleri, şeýle-de alyjylaryň berýän bahalary barada maglumatlar elýeterli bolar diýip, kompaniýada habar berdiler. Has şahsylaşdyrylan çemeleşme üçin anyk maslahatlary alar ýaly programmanyň bölümleriniň birinde öz stiliň we islegleriň baradaky maglumatlar bilen paýlaşmak bolar. Alyjylar egin-eşik geýlip görülýän otagda sensor ekrany ulanyp, halan harytlaryny saýlap bilerler, dükanyň işgärleri bolsa olary geýip görmek üçin eltip bererler.
Amazon elektron söwdasyna, emeli intellekte we multimedia ýöriteleşýän amerikan transmilli kompaniýasydyr.
