Angliýanyň «Çelsi» toparynyň we Senegalyň milli ýygyndysynyň oýunçysy Eduar Mendi Halkara futbol federasiýasy (FIFA) tarapyndan 2021-nji ýylyň iň gowy derwezebany diýlip bellenildi. Bu barada TASS habar berýär.
Mendi 29 ýaşynda, ol geçen möwsümde Angliýanyň çempionatynda «Çelsi» üçin 31 oýna gatnaşyp, 25 pökgini goýberdi. Çempionlar ligasynda 12 oýna gatnaşyp, üç goly goýberdi. «Çelsi» finalda «Mançester Sitini» 1:0 hasabynda utup, ýaryşyň ýeňijisi boldy.
Baýrak janköýerleriň hem-de milli toparlaryň häzirki tälimçilerinden we kapitanlaryndan, şeýle-de her ýurtdan gelen žurnalistlerden ybarat halkara emin agzalarynyň ses bermeginiň netijesine esaslanyp berildi. Bu baýraga «Pari Sen-Žermeniň» we Italiýanyň milli ýygyndysynyň derwezebany Janluiji Donnarumma hem-de Mýunheniň «Bawariýasynyň» we Germaniýanyň milli ýygyndysynyň derwezebany Manuel Noýer hem dalaş etdi.
Zenanlaryň arasynda FIFA görä ýylyň iň gowy derwezebany Çiliniň milli ýygyndysynyň we Fransiýanyň «Lion» toparynyň futbolçysy Kristiana Endler boldy.
