Ýakynda internet ulgamynda “Dünýädäki iň çalt kompýuteriň” tizliginiň sagatda 100 kilometre ýetendigi barada maglumatlar peýda boldy. Gürrüň haýsy, has takygy, nähili kompýuter barada barýar? Bu hakynda ferra.ru habar berýär.
“Dünýädäki iň çalt kompýuter” diýlende biz, adatça, kompýuteriň işleýşiniň tizligi hakynda pikir edýäris. Ýöne bu ýerde gürrüň sagatda kilometrler bilen ölçenilýän düýbünden başga tizlik hakda barýar.
Sega kompaniýasy ASRock bilen hyzmatdaşlykda uzakdan dolandyrylýan ulagyň şassisine gurlan kompýuteri döretdi. Hut şol kompýuter hem sagatda 100 kilometr tizlige ýetmegi başardy. Bu ýaryşa diňe Ýaponiýanyň ýaşaýjylary gatnaşdyryldy.
Döredilen kompýuteriň enjamlarynyň hataryna Intel Core i9-12900K, ASRock Z690M Mini-ITX enelik platasy, ASRock Radeon RX 6900 XT OC Formula 16GB grafiki kartasy, 32GB goşa kanally RAM we 2TB SSD girýär. Kompýutere Sega-nyň oýunlary öňünden gurlandyr.
