Baýramçylyk ruhuny götermek üçin Täze ýylyň öňüsyrasy şäher häkimlikleri her ýyl şäherleriň baş meýdançalarynda arça dikýärler. Sputnik telegram-kanaly Arkalaşygyň döwletlerinde Täze ýyl-2022 üçin dikilen iň uly arçalar barada maglumat ýygnady.
Iň sada arça Moldowanyň paýtagty Kişinýowda oturdyldy, onuň beýikligi 20 metr bolup, bu 7 gatly ýaşaýyş jaýy bilen deňdir.
Onuň yzyndan Gazagystanyň paýtagty Nur-Soltanda we Gyrgyzystanyň paýtagty Bişkekde oturdylan arçalar gelýär. Olaryň beýikligi 25 metre barabar.
Russiýanyň paýtagty Moskwada beýikligi 28 metr bolan arça dikildi.
2021-nji ýylda Täjigistan Täze ýylyň iň uly nyşanlarynyň arasynda lider boldy. Duşanbäniň Täze ýyl arçasynyň her ýyl bir metr “ösýändigi” bilen bagly däbe eýerip, ýurduň garaşsyzlygynyň ykrar edilen gününden bäri ýyl sanyna görä paýtagtda 30 metrlik agaç oturdyldy.
Belarusyň Minsk şäherini 33 metrlik arça bezeýär, Bakuwda bu arça bir metr, Daşkentde bolsa iki metr beýik, şol sebäpli ol GDA döwletleriniň paýtagtlarynyň arasynda beýikligi boýunça üçünji uly arçadyr.
Ýerewanyň arçasy Özbegistanyňkydan 3 metr beýik bolup, Arkalaşykda iň uly arçalaryň arasynda 37 metr beýiklik bilen ikinji orny eýeledi.
Bu ýyl rekord 4 metr tapawut bilen Türkmenistanyň paýtagty Aşgabat şäherinde oturdylan arça tarapyndan goýuldy. Onuň beýikligi 41 metr bolup, bu 14 gatly ýaşaýyş jaýy bilen deňdir.
