Fransiýada miweleri we gök önümleri gaplamak üçin plastik gaplary ulanmagy gadagan edýän düzgün güýje girdi. Bu barada Phys.org web sahypasyna salgylanyp, ferra.ru habar berdi.
Tebigaty goraýjylar köp wagt bäri bir gezek ulanylýan plastik gaplara garşy göreş çärelerini alyp barýarlar. Ýakynda Fransiýanyň Prezidenti Makron olaryň çemeleşmesini hem-de başlangyjyny goldap çykyş etdi. Indi Fransiýada, meselem, 1,5 kilogramdan az bolan almany plastik gaplarda satyp bolmaz. Bu babatdaky doly gadaganlyk 2026-njy ýyla çenli girizilmez, bu bolsa kompaniýalara täze düzgüne uýgunlaşmaga mümkinçilik berer. Mundan başga-da, bar bolan plastik gaplary ulanyp gutarmak üçin alty aý möhlet berildi.
Muňa garamazdan, bu başlangyjyň bazaryň wekilleri üçin artykmaç çykdajylary döredip biljekdigi aýdylýar.
