Anna güni, 31-nji dekabrda birža söwdalarynyň barşynda Ýewropada gazyň bahasy 10-njy noýabrdan bäri ilkinji gezek 1 müň kub metrine 800 dollardan aşak düşdi. Muňa Londonyň ICE biržasynyň maglumatlary şaýatlyk edýär.
Niderlandlardaky TTF habynda fewralyň fýuçersleriniň bahasy 1 müň kub metrine 796 dollara çenli aşaklady. Söwdanyň başyndan bäri umumy aşaklama 22 göterimden gowrak boldy.
Şol bir wagtda geçen hepdedäki taryhy rekord bilen deňeşdireniňde, gazyň bahasy üç esse diýen ýaly aşak düşdi. 21-nji dekabrda Ýewropada gazyň birža bahasy taryhda ilkinji gezek 1 müň kub metrine 2 müň dollardan geçdi.
30-njy dekabrda Ýewropada gazyň fýuçersleriniň bahasy 6-njy dekabrdan bäri ilkinji gezek 1 müň kub metrine 1 müň dollardan aşak düşdi.
