2022-nji ýylda Ýewropa Bileleşiginde başlyklyk Fransiýa geçdi. Bu şanly waka mynasybetli Eýfel diňi we Luwr Ýewropanyň reňkine — mawy reňke yşyklandyryldy diýip, Euronews habar berýär.
Ýanwar aýynyň birinji hepdesinde Fransiýanyň tutuş çägindäki başga-da onlarça esasy ýadygärlikler şu görnüşde yşyklandyrylar.
Fransiýa başlyklyk edýän döwründe has özbaşdak, ynsanperwer Ýewropada we Ýewropa ykdysady nusgasynda ünsi jemlär. Ýurduň Prezidenti Emmanuel Makronyň öňünde migrasiýa çökgünligi we pandemiýanyň täsirleri ýaly ýiti meseleler durýar.
«13 ýyldan bir gezek bolup geçýän bu başlyklygy siziň üçin ösüş döwrüne, serhetlerimiziň, goragymyzyň, howa geçişimiziň, erkekler bilen aýallaryň arasyndaky deňligiň, afrika yklymy bilen täze bileleşigi gurmagyň, Internetiň esasy platformalaryna has oňat gözegçiligiň hem-de Ýewropada medeniýetiň gözegçilik astynda saklanmagy üçin ösüşiň döwri etmek babatda meniň doly taýýarlygyma bil baglap bilersiňiz» — diýip Fransiýanyň Prezidenti aýtdy.
Bu ýarym ýylda Fransiýada prezidentlik kampaniýasy geçiriler we döwlet Baştutanynyň çalyşmagy mümkin, eýýäm 1-nji iýuldan bolsa Fransiýa ÝB-niň Geňeşinde ygtyýarlyklaryny Çehiýa Respublikasyna geçirer.
