3-nji ýanwardan başlap Fransiýada çagalara eýýäm alty ýaşdan başlap jemgyýetçilik ýerlerinde hökmany agyz-burun örtüklerini dakynmak düzgüni giriziler. Degişli karar şenbe güni ýurduň Journal officiel resmi habar saýtynda neşir edildi.
Öň bu düzgün ýurduň ilatynyň 11 ýaşdan uly adamlaryna degişlidi.
Agyz-burun örtükleri ulagda, jemgyýetçilik edaralarynda, sport toplumlarynda, dini edaralarda dakylmaly. Şäherleriň birnäçesinde, şol sanda Parižde agyz-burun örtük dakynmak düzgüni köçelerde hem hereket edýär.
Täze talaplar Fransiýada täze okuw ýylynyň başlanmagy hem-de COVID-19 bilen kesellemäniň sanynyň artmagy bilen baglanyşyklydyr. Ýurduň häkimiýetleri koronawirus ýokanjynyň sanynyň rekord derejede artmagyna aladalanýarlar. Anna güni Jemgyýetçilik saglygyny goraýyş milli agentligi 232 müň täze kesel ýagdaýynyň hasaba alnandygyny habar berdi.
Häzirki wagtda COVID-19 kesel alamatlary bilen Fransiýanyň hassahanalarynda 18,7 müň adam ýatyr.
67 million ilaty bolan ýurtda sanjymy 53 milliona golaý adam aldy. 2021-nji ýylyň 30-njy dekabryna çenli ýagdaýa görä, buster sanjymyny 24,1 milliondan gowrak adam aldy.
