PCloud kompaniýasy haýsy mobil goşundynyň smartfonyň kuwwatyny has çalt azaldýandygyny anyklamak üçin dürli programmalary seljerdi. Onuň netijesi barada PCMag portalyna salgylanyp, msn.com habar berdi.
Hünärmenler programmalaryň haýsy funksiýalary ulanýandygyna, näçeräk batareýa talap edýändigine we bu programmalaryň fon (arka) režiminiň bardygyna ýa-da ýokdugyna üns berdiler. Iň köp zarýad alýan mobil goşundylaryň ilkinji bäşligine Facebook, Fitbit, Skype, Uber we Verizon girdi.
Umuman aýdanyňda, ilkinji 20-lige Facebook, Instagram, Linkedin, Snapchat, YouTube we WhatsApp ýaly sosial media programmalary girýär. Olaryň hemmesi birbada 11 funksiýanyň arka režimde işlemegine mümkinçilik berýär. Bumble, Grindr we Tinder tanyşlyk programmalarynyň hem köp kuwwat talap edýändigi nygtalýar.
