Ýewropanyň kosmos agentliginiň alymlary şu aýda 50 ýyl mundan öň möhür goýlup ýapylan Aýdan getirilen konteýneri açmakçy bolýarlar. Bu barada ferra.ru habar berýär.
Hünärmenler konteýneri açmak üçin ýörite burawyň ulanyljakdygyny aýtdylar. Onda 1972-nji ýyldaky “Apollon-17” missiýasynyň dowamynda ýygnalan Aý topragy bar. Bu astronawtlaryň Aýa iň soňky uçuşy bolupdy.
Alymlar konteýnerden, ähtimal, nusgada saklanyp galan Aý gazlaryny çykarmak isleýärler. Gözlegçiler häzirki wagtda döwrebap tehnologiýalar bilen bu nusgalaryň seljerilmeginiň täze ylmy açyşlara mümkinçilik berjekdigini belleýärler.
Bu nusgalar “süýşgün ýatakdan” ýygnaldy. Bu iş bilen ekipažyň komandiri Ýujin Sernan meşgullandy. Astronawt Aý topragynyň nusgasyny almak üçin onuň üstüne diametri 70 sm bolan silindr turbasyny kakyp girizdi.
