Ýaňy-ýakynda geçirilen bir ylmy barlagda uzak ýaşaýan ýaponlaryň hemmesiniň bir umumylygynyň bardygy anyklanyldy. Bu barada pcnews.ru habar berdi.
Doktor Osman Erkiň belleýşi ýaly, ýaşaýyş-durmuş ýörelgesi, ýagny fiziki işjeňligi adamyň ömrüniň dowamlylygyna, onuň näçe wagt ýaşajakdygyna möhüm täsirini ýetirýär. Şeýle-de bolsa, munuň esasy sebäbi munda däl-de, iýmitiň kadaly ulanylyşynda diýip, çeşme belleýär. Muny alymlar iki müň adamyň gatnaşmagynda geçirilen ylmy gözlegiň dowamynda anykladylar. Olaryň hersiniň ýaşy ýüzden ýokardady.
Ýaponiýanyň Okinawa adasynyň ýaşaýjylary ömrüň dowamlylygy boýunça rekord eýeleri hasaplanýar. Käbir barlaglara görä, sagdyn iýmitleri az mukdarda iýmek öýjükleriň özbaşdak döremegine mümkinçilik döredýär, immuniteti güýçlendirýär we bedene girýän zyýanly maddalaryň mukdaryny azaldýar. Şol bir wagtyň özünde, Ýaponiýanyň ilaty iýmiti ýygy-ýygydan, ýöne az-azdan iýýärler. Şeýle hem, olaryň iýmitiniň düzümine, esasan, gök önümler we ösümlikler girýär.
