Ýakynda Kioto prefektura uniwersitetiniň ýapon alymlary üýtgeşik bir aksessuar - ýagtylanýan lukmançylyk örtügini döretdiler. Hünärmenler bu örtükleriň adama COVID-19-yň ýokuşandygyny ýa-da däldigini barlamagy aňsatlaşdyrar diýip umyt edýärler. Bu barada Kyodo News-a salgylanyp, vokrugsveta.ru habar berýär.
Bu täsin örtügi öndürmek üçin düýeguş ýumurtgasyndan alnan antikorlar ulanyldy. Mälim bolşy ýaly, düýeguşlar bedendäki keseki bedenleri zyýansyzlandyrýan birnäçe dürli antikory öndürmäge ukyplydyr. Geçen ýyl barlagçylar topary basyrylan ýumurtgalardan antikor almak üçin mäkiýan düýeguşlara koronawirusyň işjeň däl görnüşini sanjym etdiler.
Alymlar bu antikorlardan peýdalanyp, ultramelewşe şöhlesinde ýagtylanýan floresan boýag döretdiler. Olar 150 adamyň gatnaşmagynda geçirilen synaglaryň netijesinde garaşylýan netijäni almagy başardylar. Öndürijiler indiki ýyl örtükleri satmak üçin hökümetden rugsat almagy meýilleşdirýärler.
