Beýik Britaniýada Derman serişdelerini we lukmançylyk harytlaryny düzgünleşdiriji agentlik (MHRA) monoklonal antibedenjikleriň esasynda koronawirusa garşy Sotrowimab derman serişdesini tassyklady. Bu barada onuň metbugat gullugy habar berýär. Muny Day.Az ýetirýär.
“COVID-19-a garşy ýene bir bejergi Xevudy (Sotrovimab) agyr keseliň güýçlenmek howpuna ýakyn bolan, COVID-19 keseliniň ýeňil we orta görnüşi bolan adamlarda hassahana düşmek we ölüm howpuny azaltmakda howpsuz hem-de täsirli diýlip kesgitlenenden soň, MHRA tarapyndan tassyklandy” – diýlip, habarda görkezilýär.
Kliniki synaglaryň netijesine görä, derman serişdesiniň bir dozasy simptomatik ýokançlyklary bolan uly ýaşly adamlarda hassahana düşmek we ölüm howpuny 79% azaldýar.
MHRA derman serişdesiniň Omicron-a garşy täsirlidigi ýa-da ýokdugy barada aýtmagyň heniz irdigini belleýär. Şol bir wagtyň özünde işläp taýýarlaýjy kompaniýalaryň biri bolan GSK derman serişdesiniň täze ştamma garşy täsirli bolup biljekdigini aýtdy.
