Ýewropa çäklendirmelere gaýdyp gelýär

  • 01.12.2021 09:15
  • 8.7k+

Koronawirus bilen bagly ýagdaýlaryň ýaramazlaşmagy sebäpli, Ýewropada çäklendirmeler gaýtadan dikeldilip başlandy. Ýagny, Belgiýada kowid bilen kesellemegiň birden artmagy hasaba alyndy. Mundan başga-da, hassalaryň birinde GAR-dan koronawirusyň täze ştammy ýüze çykaryldy we şol sebäpli ýerli häkimiýetler çäklendiriji çäreleri güýçlendirýärler. Hususan-da, barlar, restoranlar we dükanlar sagat 23:00-dan gijä galman ýapylmaly bolar diýip, euronews.com habar berýär. 

- Gynansak-da, gijeki klublar we diskotekalar ýene ýapylmaly bolar we meniň pikirimçe, bu örän berk çäre. Geçen hepde biz çözgüt tapmagy başardyk diýip pikir edipdik we biz bu çäräniň nähili derejede ýaramaz kabul ediljekdigini bilýäris. Şeýle-de bolsa, häzir adamlaryň birek-birege gaty ýakynlaşmagyna ýol bermezlik has möhümdir” – diýip, Belgiýanyň premýer-ministri Aleksandr De Kroo aýtdy.

Keseliň täze ýaýrawynyň hasaba alnan ýeri bolan Niderlandlarda hem koronawirus ýokanjyna garşy göreş çäreleri güýçlendirilýär. Dükanlaryň  köpüsi, teatrlar, muzeýler, restoranlar we sport zallary ýekşenbe gününden başlap 17:00-da ýapylar. Mekdepler çagalaryň arasynda has köp keselliniň ýüze çykarylandygyna garamazdan, işini dowam etdirer.

Ispaniýada we Portugaliýada kesel derejesi Ýewropanyň köp ýurtlaryna garanyňda pes, şeýle-de bolsa bu ýerde hem öň ýatyrylan çäklendirmeler gaýtadan dikeldildi, hatda täze çäklendirmelerem girizildi. Kataloniýada ýakyn wagtda kowid-pasportlaryny barlara, restoranlara, türgenleşik zallaryna we gijeki klublara barmak üçin hökmany etmek meýilleşdirilýär.

Ilatynyň 86%-ine sanjym edilen Portugaliýada iki aý mundan öň ýatyrylan çäklendirmeler ýene-de güýje girýär. Dekabr aýyndan başlap, ýapyk ýerlerde gorag örtüklerini hökman dakynmaly, kinoteatrlara, myhmanhanalara we restoranlara barmak üçin kowid-şahadatnamalaryny görkezmeli bolar. 


01.06.2025 19:05
4k+

Ýewropada kitleriň süňkünden ýasalan iň gadymy gurallar tapyldy. Awçylar olary 20 müň ýyl ozal ulanypdyrlar

Arheologlar Biskaý aýlagynyň kenaryndan kitleriň azyndan bäş görnüşiniň süňklerinden ýasalan süňk gurallary tapdylar. Olaryň ýaşy 20 müň ýyl töweregi, diýmek, olar şunuň ýaly görnüşdäki gurallaryň iň gadymysydyr diýip, New Scientist neşiri ýazýar...

30.05.2025 13:12
7.6k+

Beýik Britaniýada uçýan taksi ilkinji gezek açyk asmanda synag edildi

Britaniýanyň Vertical Aerospace kompaniýasy Ýewropada açyk howa giňişliginde ilkinji gezek howa taksisiniň uçuşyny amala aşyrdy. Bu barada The Daily Telegraph gazeti habar berýär. VX4 elektrouçarynyň prototipi Angliýanyň gündogar-günbataryndaky Kotsuolds sebitiniň asmanyna göterildi...

23.04.2025 00:38
4.5k+

Smartfonlaryň gutusynda batareýasynyň ömri barada maglumat peýda bolar

2025-nji ýylyň 20-nji iýunyndan Ýewropa Bileleşiginde smartfonlar we planşetler üçin täze bellik talaplary hereket edip başlar. Olaryň gutularynda akkumulýatoryň hyzmat ediş möhleti we öndürijiligi barada ýörite ýelmentgi ýerleşdiriler diýip, GSMArena habar berýär...

22.03.2025 11:18
6.2k+

Ýewropa Bileleşigi Apple kompaniýasyna iPhone-lary portsuz çykarmaga rugsat berdi

Ýewropa Bileleşigi Apple kompaniýasyna zarýad porty bolmadyk smartfonlary bazara çykarmaga rugsat berdi diýip, «9to5Mac» portaly habar berýär. Ýatlatsak, Apple kompaniýasy ÝB-niň täze düzgünlerine laýyklykda, ähli...