Dünýäniň iň baý on adamsy bir günde 37 milliard dollar ýitirdi

  • 01.12.2021 09:12
  • 14k+

Dünýäniň iň baý on adamsynyň umumy baýlygy bir günde 37 milliard dollar azaldy. Bu barada Forbes Real-Time reýtingine salgylanyp, rueconomics.ru habar berdi.

Maýa goýujylaryň koronawirusyň täze ştammynyň ýaýramagy zerarly howsala düşmegi biržalarda düýpli pese gaçmalaryň ýüze çykmagyna getirdi. Şeýlelikde, Amerikanyň Dow Jones indeksi 2,5%, S&P 500 indeksi - 2,3%, NASDAQ indeksi bolsa 2,2% aşaklady. Beýleki söwda meýdançalarynda hem görkezijileriň peselmesi hasaba alyndy.

Netijede, Tesla-nyň we SpaceX-iň esaslandyryjysy Ilon Mask 7,9 milliard dollar ýitirdi. Amazon-yň baş direktory Jeff Bezos 3,8 milliard, Louis Vuitton-yň we Dior-yň eýesi Bernar Arno 9 milliard ýitirdi. Şeýle-de Bill Geýts (2,1 milliard), Larri Ellison (1,9 milliard), Larri Peýj (3,1 milliard), Mark Sukerberg (2,8 milliard), Sergeý Brin (3 milliard), Stiw Ballmer (2,2 milliard) we Uorren Baffet (1,3 milliard) dagy hem zyýan çekdiler.


20.06.2025 17:35
2.8k+

Microsoft we Amazon kompaniýalarynyň işgärleri EA sebäpli köpçülikleýin işden çykarylar

Microsoft kompaniýasy emeli aň tehnologiýalaryna çykdajylaryň artmagy sebäpli müňlerçe iş ornuny azaltmagy meýilleşdirýär. EA-nyň ýaýramagy sebäpli işgärleri azaltmak barada Amazon kompaniýasy hem habar berdi. Bloomberg-iň çeşmelere salgylanyp ýazmagyna görä, Microsoft-da işden çykarmalaryň uly bölegi satuw bölümleriniň işgärlerine täsir eder...

20.06.2025 17:28
1.5k+

Maskyň xAI startapy girdeji almak maksady bilen her aý $1 mlrd sarp edýär

Ilon Maskyň xAI startapy her aý 1 mlrd dollar sarp edýär, çünki ösen EA modellerini döretmek üçin çykdajylar kompaniýanyň girdejisinden ýokary bolýar. Bu barada çeşmelere salgylanyp, Bloomberg habar berýär. Çykdajylary ýapmak üçin xAI karz we paýdarlar kapitaly görnüşinde 9,3 mlrd dollar çekmäge synanyşýar...

07.06.2025 23:11
19k+

Tesla Maskyň Tramp bilen düşünişmezligi sebäpli bir günde $150 mlrd ýitirdi. Maskyň özi $34 mlrd ýitirdi

Tesla-nyň bazar bahasy bir günde 150 mlrd dollar arzanlady. Elektrokar öndürijisiniň paýnama bahalarynyň pese gaçmagy sebäpli, kompaniýanyň ýolbaşçysy Ilon Maskyň öz baýlygy bir günde birbada 33,9 mlrd dollar azaldy diýip, Reuters habar berýär...

25.05.2025 19:08
5.9k+

Ilon Mask Tesla-nyň baş direktorlygyndan aýrylmagy meýilleşdirmeýär

«Tesla» kompaniýasynyň ýolbaşçysy Ilon Mask özüniň baş direktorlyk wezipesinden çekilmegi meýilleşdirmeýändigini mälim etdi. Ol täze baş direktoryň diňe onuň aradan çykmagy bilen gelip biljekdigini aýtdy diýip, «Carscoops» habar berýär...