Prezident Gurbanguly Berdimuhamedow we Ykdysady Hyzmatdaşlyk Guramasynyň Baş sekretary Hysrow Noziri Aşgabatda geçiren duşuşygynyň barşynda Türkmenistanyň YHG-da başlyklyk etmeginiň çäklerinde sebit hyzmatdaşlygynyň ileri tutulýan ugurlaryny we geljegini ara alyp maslahatlaşdylar. Bu barada YHG-niň resmi saýtynda habar berilýär.
YHG-nyň Baş sekretarynyň belleýşi ýaly, 28-nji noýabrda Aşgabatda YHG-nyň sammitiniň geçirilmegi Guramanyň agza döwletleriniň arasynda özara gatnaşyklaryň geljegi üçin açyk pikir alyşmak üçin wekilçilikli forum bolar. Munuň özi halkara hyzmatdaşlygy meselelerine Türkmenistanyň jogapkärli çemeleşýändigini nobatdaky gezek tassyklaýar.
Türkmenistan umumy maksatlar boýunça YHG-nyň agza döwletleriniň arasyndaky hyzmatdaşlyk gatnaşyklarynyň köpugurly mümkinçiliklerini durmuşa geçirmäge mundan beýläk hem ýardam etmegini dowam eder. Türkmenistan hyzmatdaşlary bilen gepleşiklerini öz bitaraplyk derejesine daýanyp, parahatçylyk, howpsuzlyk we ösüş nukdaýnazaryndan guraýar diýip, Prezident Gurbanguly Berdimuhamedow belledi.
