Elektrikli Hyundai Ioniq 5 Germaniýada ýylyň awtoulagy boldy

  • 26.11.2021 19:38
  • 6.8k+

«Germaniýada ýylyň awtoulagy» ýaryşynyň guramaçylary ýeňijini yglan etdiler. Ýaryşda mundan alty aý öň bazara çykan Hyundai Ioniq 5 elektrikli heçbegi ýeňiji boldy. Bu barada motor.ru habar berdi.

Baýragyň 20 awtoulag žurnalistinden ybarat bolan halkara eminler topary hem bäş sany aýratyn ugur boýunça iň gowy awtoulaglary saýladylar: "Compact Class", "Premium Class", "Luxury", "New Energy" and "Sports Car".

Başlangyç bahasy 25 müň ýewro çenli bolan awtoulaglary öz içine alýan Ýylyň ykjam awtoulagy ugrunda markanyň ýolbars kelleli täze nyşanyny alan ilkinji modeli - Peugeot 308 heçbegi ýeňiji boldy. Iň oňat premium awtoulagy (bahasy 25 müňden 50 müň ýewro çenli) diýlip, Koreýanyň elektrikli awtoulagy Kia EV6 saýlandy. Lýuks ugrunda ýeňiş "batareýaly" Audi e-tron GT awtoulagyna miýesser etdi. Täze energiýa ugry boýunça - Hyundai Ioniq 5,  Sport awtoulagy ugry boýunça bolsa Porsche 911 GT3 saýlandy.

Soňky dört ýylda German Car of the Year bäsleşiginde diňe elektrikli awtoulaglar ýeňiji boldy. 2021-nji ýylda Honda e sitikary, 2020-nji ýylda Porsche Taycan, 2019-njy ýylda bolsa Jaguar I-Pace krossoweri ýeňiji saýlanypdy.


düýn 19:05
3.9k+

3 sany ýörite Bentley Germaniýanyň günorta-günbataryndaky «garaňky tokaýa» bagyşlandy

Bentley özüni Bentley Stuttgart diler merkeziniň açylmagynyň 15 ýyllygyna bagyşlap, Black Forest Regional Collection atly ýörite toplumyny çykardy. Toplumyň dizaýny günorta-günbatar Germaniýanyň tebigatyndan we Baden-Wýurtembergiň baý peýzažlaryndan ylham alýar...

27.10.2025 15:19
3.9k+

Täze Hyundai Venue krossoweri täze dizaýn we iki ekran bilen bazara çykýar

Hindistanda ýerli bazarda iň meşhur modelleriň biri bolan täze Hyundai Venue ykjam krossoweri üçin sargyt kabul edilip başlandy. Täze Hyundai Venue täzelenen dizaýna we gaýtadan işlenen salona eýe boldy. Içinde iki sany  12 dýuýmlyk ekran oturdyldy, ýolagçylar üçin giňişlik artdyryldy – ikinji hatarda aýak üçin aralyga 2 sm goşuldy...

27.10.2025 09:24
3.3k+

BYD-yň giperkary Nýurburgringde Xiaomi SU7-niň rekordyny täzeledi

BYD konserni Yangwang U9 Xtreme (U9X) elektrik giperkarynyň täze üstünligi barada habar berdi. Kupe Nýurburgring ýolunyň 20,8 kilometrini 6 minut 59,157 sekuntda geçdi. Bu Xiaomi SU7 Ultra sedanyndan 6 sekunt diýen ýaly tizdir...

26.10.2025 22:30
10k+

Germaniýada 2026-njy ýylyň iň gowy awtoulaglary saýlandy. Sanawda ýekeje-de nemes markasy ýok

“Germaniýada ýylyň awtoulagy 2026” (GCOTY) bäsleşiginiň eminleri bäş esasy nominasiýada ýeňijileri yglan etdiler. Bu sapar ýeňiji bolan modelleriň arasynda nemes markalarynyň ýoklugy aýratyn üns çekdi. Baýraklar ABŞ, Günorta Koreýa we Çehiýa awtoulaglaryna berildi...