Volvo-nyň gözlegleri elektromobil önümçiliginiň zyňyndylary 70% ýokarlandyrýandygyny görkezýär

  • 24.11.2021 10:01
  • 8.4k+

Elektromobil önümçiliginiň içerki ýangyç hereketlendirijili awtomobil bilen deňeşdirilende, ekologiýa taýdan has arassadygy ýa-da ýokdugy barada eýýäm birnäçe wagt bäri jedel gidýär we bu dowam edip biler, sebäbi Volvo-nyň soňky gözlegleri elektromobiliň önümçilik prosesiniň içerki ýangyç hereketlendirijili awtomobillere garanyňda, has köp zyňyndy döredýändigini görkezdi. Bu barada procrossover.ru habar berýär.

Volvo nusga hökmünde iki – adaty benzin bilen işleýän Volvo XC40 we elektrik Volvo C40 Recharge krossowerini aldy. Awtoulag ägirdi soňky awtomobiliň önümçiliginiň zyňyndylaryň, takmynan, 70% ýokarlanmagyna getirýändigini anyklady. Bu görkeziji ähmiýetli bolup biler, sebäbi awtomobilleriň ikisi-de bir zawodda we bir gurnama hatarynda öndürilýär. Olaryň ikisiniň hem köp sanly umumy komponentleri bar.

Bu elektromobiliň akkumulýator batareýasynyň öndürilişiniň has köp zyňyndylara sebäp bolýandygyny görkezýär, sebäbi Volvo çig malyň gazylyp alynmagyny we gaýtadan işlenilmegini öz içine alýan prosesiň başlanmagyny hem göz öňünde tutdy. 

Şeýle-de bolsa, bir nuans bar: käbir şertlerde elektrokarlar gazylyp alynýan ýangyçly awtomobillere garanyňda, ekologiýa taýdan, takmynan, 15-30% arassa bolup biler.

Munuň üçin iki ulagy-da ulanyp başlamak ýeterlikdir. Eger-de C40 Recharge diňe öndürilen wagtynda atmosferada uglerod yzyny galdyrýan bolsa, XC40 bütin ömrüniň dowamynda zyýanly zyňyndylaryň mukdaryny artdyrýar. Volvo-nyň bellemegine görä, 50 000 km ýoly geçenden soň, elektromobil benzin bilen işleýän awtomobilden ekologiýa taýdan has arassa bolar, ýöne diňe gaýtadan dikeldilýän çeşmelerden alnan energiýadan zarýad almak şerti bilen. Ýogsam, zerur aralyk tas 110 000 kilometre çenli ýokarlanar.


29.07.2025 19:01
4.1k+

Volvo XC 70 wnedorožnigi skandinaw äheňine eýe boldy

Volvo kompaniýasy XC70 wnedorožniginiň täze modelini çykardy. Geçirilýän gibrid özünde skandinaw äheňli ýokary tehnologiýany jemleýär. XC70 SMA-nyň platformasynda gurlan. Güýç gurluşy 1,5 litrlik benzinli hereketlendirijiden we 120 kW kuwwatly elektrik hereketlendirijisinden ybarat...

29.07.2025 12:09
3k+

BYD Galaxy Watch akylly sagatlaryny öz ulaglary üçin açar edip ulanar ýaly etdi

Hytaýyň BYD awtoulag öndürijisi hytaý brendleriniň içinde ilkinji bolup Samsung Galaxy Watch akylly sagatlarynda sanly düwmelere goldawy ornaşdyrdy. NFC tehnologiýasyny ulanýan bu funksiýa häzirlikçe diňe Hytaýda bar, ýöne geljekde beýleki bazarlarda hem peýda bolup biler diýip Sammobile ýazýar...

28.07.2025 13:47
3.3k+

Toyota Indoneziýada bZ4X elektrokrossoweriniň önümçiligine başlar

Toyota kompaniýasy Indoneziýada täzelenen bZ4X elektrik krossoweriniň ýerli önümçiliginiň başlandygyny habar berdi. Bu barada GIIAS 2025 awtoulag sergisinde öndürijiniň wekilleri habar berdiler. Bu markanyň ýurtda ýygnalýan ilkinji elektrik ulagy bolar...

24.07.2025 10:35
8.5k+

Huawei täze Luxeed R9 krossowerini synagdan geçirýär, ýöne kynçylyklar bar

Huawei-iň Chery bilen hyzmatdaşlykda döreden Luxeed R9 flagman elektrik krossoweri ilkinji gezek ýol synaglary wagtynda görüldi. Modeliň ilkinji görkezilişi noýabr aýyna meýilleşdirildi. Awtoulagyň dizaýnynda brendiň firma stili görkezilýär: ýaýbaň kapot, "Starlight" bezeg elementleri we uniwersaly ýada salýan uzap gidýän kuzow...