Ýekşenbe güni agşam Budapeştde MTV Europe Music Awards 2021 baýraklarynyň ýeňijileri yglan edildi. Baýrak gowşurylyş dabarasy baýragyň resmi web sahypasynda göni ýaýlymda görkezildi. Bu barada TASS habar berdi.
"Iň gowy ýerine ýetiriji" baýragyna iňlis sazandasy Ed Şeran, "Iň gowy aýdym" baýragyna bolsa onuň “Bad Habits” ("Ýaramaz endikler") aýdymy mynasyp boldy.
"Iň oňat rok aýdymçysy" baýragyny 2021-nji ýylyň maý aýynda Ýewrowideniýe aýdym-saz bäsleşiginde gazanan ýeňşi bilen giňden tanalýan italýan topary Maneskin gazandy.
Iň köp ugur boýunça baýraklary Günorta Koreýanyň BTS topary gazandy. Olar "Iň oňat topar", "Iň gowy pop aýdymçysy", "Iň gowy keý-pop ýerine ýetirijisi (Günorta Koreýa pop-aýdymy) we" Iň wepaly janköýerler" ugurlary boýunça ýeňiji boldular.
Iň oňat aýdym-saz wideosy üçin baýrak "Montero" aýdymynyň wideosy üçin amerikaly repçi Lil Nas X-e berildi. "Iň gowy Hip-Hop" kategoriýasynda amerikaly aýdymçy Nikki Minaj, "Iň gowy elektron aýdym-saz" baýragynda fransuz didjeýi we prodýuseri Deýwid Getta ýeňiji boldy.
"Iň oňat täze aýdymçy" baýragyna amerikaly rep aýdymçysy Souiti (Saweetie) mynasyp boldy.
