Özbegistanly dellek Ginnesiň rekordyny goýdy

  • 14.11.2021 23:32
  • 32k+

Meşhur özbegistanly dellek Şuhrat Ismatillaýew 10 sagadyň dowamynda 110 adamyň saçyny deňländen soň Ginnesiň rekordlar kitabyna girdi. Rekord üçin 100 adamyň saçyna timar bermelidi, ýöne Ismatillaýew başlangyç meýilnamany artygy bilen ýerine ýetirdi.

Şuhrat Ismatillaýewiň Sputnik agentligi bilen söhbetdeşlikde aýdyşyna görä, 10 sagadyň dowamynda onuň özi we kömekçileri diňe aýak üstünde boldular we maksimum bir stakan suw içdiler.

“Saklan!” duýduryşyndan soň meniň aýaklarym agyryp başlady, galan ähli zat häzirlikçe gowy. Iş wagtynda men 100 gram suw içdim. Iýmit barada hatda pikirem etmedim. Şu gün men düýşümde-de saç deňlemegi dowam etdirerin, ýöne birnäçe günläp men hiç kimiň saçyny islendik pul üçin timarlamaryn” – diýip, Şuhrat degişmek bilen belledi.

Ol proses wagtynda goldaw berenleriň ählisine minnetdarlyk bildirdi we şunuň bilen saklanmajakdygyna wada berdi.

“Bularyň ählisini men ene-atamyň, dostlarymyň we ýurdumyň maňa buýsanmagy üçin edýärin. Men şunuň bilen saklanmak islemeýärin – indiki ädim dünýä çempionaty bolar” – diýip, Şuhrat aýtdy.


28.07.2025 13:34
4.4k+

Filippinlerde oýnawaçly dünýäde iň uly awtomat gurnaldy

Filippinleriň Sebu şäherinde dünýäde iň uly kran-maşyn oturdyldy. Baýrak (esasan, ýumşak oýnawaçlar) almak üçin oýnamaga niýetlenen kran awtomat Tops toplumynyň PlayFair oýun zalynda peýda boldy diýip, UPI agentligi habar berýär...

26.07.2025 14:46
5k+

“Mortal Kombat 2” filminiň treýleri rekord goýdy

“Mortal Kombat 2” filminiň treýleri wideolaryň Red Band wersiýalarynyň arasynda tomaşa sany boýunça täze rekord goýdy. Bu barada Deadline neşiri habar berýär. Çeşmäniň maglumatlaryna görä, wideonyň ýaş çäklendirmesi bolan wersiýasy ilkinji 24 sagatda 106,8 mln tomaşa ýygnady...

24.07.2025 14:52
4.6k+

Marvel Galaktusyň şekilindäki uly patrak bedresi bilen Ginnesiň rekordlar kitabyna girdi

Marvel filmlerinden zalym Galaktusyň şekilindäki patrak bedresi häzire çenli kinoteatrlarda satylan şeýle bedreleriň arasynda iň ulusy diýlip ykrar edildi. Bu barada Ginnesiň rekordlar kitabynyň resmi saýtynda habar berilýär...

15.07.2025 13:17
4.6k+

Gün panellerinden emele gelen iň uly mural Ginnesiň rekordlar kitabyna girdi

Kanadanyň Alberta welaýatynda ýerleşýän SunRise ýaşaýyş toplumy Gün panellerinden emele gelen ägirt uly mural mynasybetli Ginnesiň rekordlar kitabyna girdi. Adaty bolmadyk freska binanyň öň tarapynda 3205 inedördül metri tutýar diýip, Interesting Engineering ýazýar...