Bottas Braziliýanyň Gran-prisiniň sprint ýaryşynda ýeňiji boldy

  • 14.11.2021 10:30
  • 2k+

«Mersedesden» finlýandiýaly Waltteri Bottas «Formula-1» ulag klasyndaky awtoýaryşlar boýunça dünýä çempionatynyň 19-njy tapgyry bolan Braziliýanyň Gran-prisiniň sprint ýaryşynda ýeňiji boldy. 

Ikinji orny “Red Bulldan” niderlandly Maks Werstappen, üçünji orny “Ferrariden” ispaniýaly Karlos Saýns eýeledi. Saýlama tapgyrynda düzgüni bozandygy sebäpli iň soňky bolup badalga alan “Mersedesiň” britaniýaly sürüjisi Lýuis Hemilton bäşinji orny eýeledi. 
Sprint 100 km aralyga ýaryş bolup, onuň netijesinde uik-endiň esasy ýaryşynyň start gözenegi kesgitlenýär. Ilkinji üç sürüji, degişlilikde, üç, iki we bir utuk gazandylar.
Werstappen umumy sanawda Hemiltondan arany açdy. Niderlandly sürüjiniň hasabynda 314,5 utuk, britaniýaly sürüjiniň hasabynda 293,5 utuk bar. Olar çempionatda ýeňşe ýeke-täk dalaşgärler hasaplanýar. Hemilton içerki ýangyç hereketlendirijisini çalşandygy sebäpli, start gözeneginde bäş orny ýitirip, ýaryşa 10-njy orundan başlar. 
Esasy ýaryş ýekşenbe güni geçiriler we Aşgabat wagty bilen 18:00-da başlar.


16.06.2025 14:13
1.9k+

Jorj Rassell Kanadanyň Gran-prisiniň ýeňijisi boldy, Antonelli ilkinji gezek münbere çykdy

“Mersedes” toparynyň britaniýaly sürüjisi Jorj Rassell “Formula-1” dünýä çempionatynyň onunjy tapgyry bolan Kanadanyň Gran-prisiniň ýeňijisi boldy. Ýaryş Monrealdaky Žil Wilnýow adyndaky awtodromda geçirildi. Bu Rasselliň karýerasynda dördünji ýeňşi boldy...

12.06.2025 22:04
1.8k+

2026-njy ýylyň “Formula-1” möwsüminde Madridde hem ýaryş geçiriler

Halkara awtomobil federasiýasy (FIA) we “Formula-1-iň” ýolbaşçylygy 2026-njy ýyl möwsüminiň dünýä çempionatynyň senenamasyny hödürledi. Geçenki üç ýylda bolşy ýaly jemi 24 ýaryş meýilleşdirilýär. Möwsüm 6-8-nji martda Awstraliýadaky tapgyrdan başlar we 4-6-njy dekabrda Abu-Dabide tamamlanar...

11.06.2025 14:58
12k+

Braziliýa Dünýä çempionatlarynyň saýlama tapgyrlarynyň ählisinden geçmegi başaran ýeke-täk ýygyndy bolmagynda galýar

Braziliýanyň milli ýygyndysy Paragwaýy 1:0 hasabynda ýeňip, resmi taýdan 2026-njy ýylda geçiriljek futbol boýunça Dünýä çempionatyna gatnaşmaga hukuk gazandy. Şeýlelikde, Braziliýa ähli dünýä çempionatlarynyň saýlama tapgyryndan geçmegi başaran taryhda ýeke-täk milli ýygyndy bolmagynda galýar...

10.06.2025 15:27
8.2k+

Ançelotti milli ýygyndylaryň arasynda iň köp zähmet hakyny alýan tälimçi boldy

Karlo Ançelotti Madridiň “Realyndaky” tälimçi ygtyýarlyklaryny Habi Alonso berenden soň, tiz wagtdan Braziliýanyň milli ýygyndysyna ýolbaşçy boldy. Taraplaryň arasyndaky gepleşikler bir ýyldan köp dowam etdi. KHBS-iň maglumatlaryna görä, Ançelotti Braziliýa toparynyň başyna geçenden soň, ähli milli ýygyndylaryň arasynda iň köp zähmet hakyny alýan tälimçi boldy...