«Türkmenaragatnaşyk» «Huawei» we «Nokia» kompaniýalary bilen şertnama baglaşar

  • 11.11.2021 08:55
  • 15k+

“Türkmenistanda 2019 — 2025-nji ýyllarda sanly ykdysadyýeti ösdürmegiň Konsepsiýasyny” ýerine ýetirmekde alnyp barylýan işleri has-da kämilleşdirmek maksady bilen, Türkmenistanyň Prezidenti Karara gol çekdi.

Resminama laýyklykda, Türkmenistanyň Ministrler Kabinetiniň ýanyndaky Ulag we kommunikasiýalar agentliginiň “Türkmenaragatnaşyk” agentligine:

Ahal, Balkan, Daşoguz welaýatlarynda we Aşgabat şäherinde “Altyn asyr” öýjükli aragatnaşyk ulgamynyň toruny ösdürmek bilen baglanyşykly enjamlary, programma üpjünçiliklerini we ygtyýarnamalary satyn almak, getirmek, gurnamak, işe girizmek we tehniki goldawy bermek barada Hytaý Halk Respublikasynyň “Huawei Technologies Co., Ltd” kompaniýasy bilen şertnamany baglaşmaga;

Lebap we Mary welaýatlarynda “Altyn asyr” öýjükli aragatnaşyk ulgamynyň toruny ösdürmek bilen baglanyşykly enjamlary, programma üpjünçiliklerini we ygtyýarnamalary satyn almak, getirmek, gurnamak, işe girizmek we tehniki goldawy bermek barada Finlýandiýa Respublikasynyň “Nokia Solutions and Networks Oy” kompaniýasy bilen şertnamany baglaşmaga ygtyýar berildi.


düýn 18:21
8.3k+

Hytaý çaga dogluşyny artdyrmak üçin 3 ýaşa çenli çagalara ýylda bir gezek 500 dollar töläp başlar

Hytaýyň hökümeti çaga dogluşyny ýokarlandyrmak maksady bilen çaga seretmek boýunça kömek pullarynyň täze ulgamyny yglan etdi diýip, “Sinhua” agentligi habar berýär. Umumymilli maksatnama laýyklykda, maşgalalara üç ýaşa ýetmedik her bir çaga üçin ýylda 3600 ýuan (takmynan 503 dollar) kömek puly berler...

26.07.2025 18:18
8k+

Hytaýda 6G öýjükli ulgamy synagdan geçirildi: ol 50 Gb faýly 1,5 sekuntda iberýär

China Mobile aragatnaşyk operatory altynjy nesil torunyň ilkinji synaglarynyň başlanandygyny habar berdi. Synag infrastrukturasyna 10 esasy stansiýa gatnaşýar. Taslama diňe gözleg maksatlary bilen durmuşa geçirilýär we täjirçilik taýdan ulanylyşy göz öňünde tutmaýar diýip, MyDrivers portaly ýazdy...

26.07.2025 13:05
3.2k+

Serdar Berdimuhamedow Hytaýyň täze bellenen ilçisinden ynanç hatyny kabul etdi

25-nji iýulda Hytaý Halk Respublikasynyň Türkmenistanda täze bellenen Adatdan daşary we Doly ygtyýarly ilçisi Szi Şumin Prezident Serdar Berdimuhamedowa ynanç hatyny gowşurdy. “Biz ähli derejede syýasy dialogyň has-da giňeldilmegine aýratyn ähmiýet berýäris...

22.07.2025 19:45
12k+

Hytaý dünýäde iň uly gidroelektrostansiýanyň gurluşygyna başlady

HHR-iň Döwlet geňeşiniň premýeri Li Sýan Tibet awtonom sebitindäki Ýarlung Sangpo derýasynda dünýäde iň uly gidroelektrostansiýanyň gurluşygynyň başlandygyny yglan etdi. Bu barada Interesting Engineering habar berýär...