ÝUNESKO-da 75 ýyllygy mynasybetli guramanyň gazanan üstünlikleri barada sergi açyldy

  • 10.11.2021 14:13
  • 2k+

Birleşen Milletler Guramasynyň Bilim, ylym we medeniýet boýunça edarasynyň 75 ýylyň dowamynda gazanan üstünlikleri we taslamalary barada gürrüň berýän sergi onuň Pariždäki ştab-kwartirasynda açyldy. Ekspozisiýa ÝUNESKO-nyň Baş konferensiýasynyň 41-nji sessiýasynyň başlanmagyna gabat getirildi. Bu barada TASS habar berýär.

“Biz diňe bir maksatnamalar we iş ugurlary barada däl, eýsem ÝUNESKO-nyň hakyky hereketleri barada gürrüň bermek kararyna geldik” – diýip, serginiň ýolbaşçysy Kristian Puerta aýtdy. Ol dünýäniň dürli künjeklerinde häzirem dowam edýän sowatsyzlygy ýeňip geçmek kampaniýalary, Ikinji jahan urşundan soň bilim ulgamlarynyň dikeldilmegi we häzirki wagtda olara berilýän goldaw barada gürrüň berdi. Şeýle-de, Puerta guramada medeni gymmatlyklary goramak, jynsparazlyga we adam söwdasyna garşy kabul edilen dürli konwensiýalar barada ýatlap geçdi.

Umuman alanyňda, myhmanlar 150 töweregi eksponaty görüp bilerler. Ekspozisiýa guramanyň döredilmegi, medeni we taryhy mirasy gorap saklamak, bilim arkaly dünýäni üýtgetmek, adamzat mertebesini goramak, bilim almak we olar bilen paýlaşmak barada gürrüň berýän ýedi zolaga bölünýär.

Diwarlyklarda guramanyň ýygyndysyndan taryhy barada gysgaça gürrüň berýän resminamalar, suratlar, plakatlar we predmetler görkezilýär. Olaryň arasynda özboluşly obýektler, meselem, ýerli ilat tarapyndan ulanylan, taýaklardan we balykgulaklardan ýasalan Marşall adalarynyň kartasy, dünýä halklarynyň aýdymy bilen diwarlyklar, seýrek kitaplar bar. Ýakyn günlerde ekspozisiýa Portugaliýanyň Aroka geoseýilgähinden trilobidiň daşa öwrülen çanagy goşular. Mundan başga-da, ylmy bölümde Afrika yklymynyň geologik kartasy hödürlenýär. 


17.12.2024 10:33
1.4k+

Parižde «Diwany lugat at-türk» eseriniň 950 ýyllygyna bagyşlanan halkara maslahat geçirildi

Türkmenistanyň wekiliýeti Pariž şäherinde ÝUNESKO-nyň Baş edarasynyň binasynda geçirilen «Leksikografiýada dünýäniň kartografiýasy: «Diwany lugat at-türk» eseriniň 950 ýyllygy» atly halkara maslahatyna gatnaşdylar...

11.12.2024 07:56
1.7k+

Parižde “Diwany lugat et-türk” eseriniň 950 ýyllygy mynasybetli halkara konferensiýa geçiriler

13-nji dekabrda ÝUNESKO-nyň Pariždäki ştab-kwartirasynda “Diwany lugat et-türk” (“Türki dilleriň sözlügi”) eseriniň 950 ýyllygyna bagyşlanan halkara konferensiýa geçiriler. Meşhur sözlük alym, filosof Mahmyt Kaşgarly...

09.12.2024 07:26
2.6k+

Hytaýyň Täze ýyly ÝUNESKO-nyň maddy däl medeni mirasynyň sanawyna girizildi

BMG-niň Bilim, ylym we medeniýet meseleleri boýunça guramasy (ÝUNESKO) Aý senenamasy boýunça Hytaý Täze ýyly hökmünde belli bolan Bahar baýramyny (Çunsze) adamzadyň maddy däl medeni mirasynyň sanawyna goşdy. Bu...

07.12.2024 16:33
2.2k+

Beýik Ýüpek ýolunyň Hazarýaka şahalaryny ÝUNESKO-nyň sanawyna girizmek meselesi maslahatlaşyldy

6-njy dekabrda Aşgabatda Beýik Ýüpek ýolunyň Hazarýaka şahalaryny ÝUNESKO-nyň Bütindünýä mirasynyň sanawyna girizmek boýunça halkara bilermenleriň sebitleýin duşuşygy geçirildi. Maslahata Hökümet agzalary, Türkmenistanyň...