Google uly ekranly enjamlary dolandyrmak üçin optimallaşdyrylan Android 12L mobil platformasynyň ýakyn wagtda çykjakdygyny mälim etdi. Bu barada 3dnews.ru habar berdi.
Operasiýa ulgamynyň täze wersiýasy planşetlerde, "hrombuklarda", ýygnalýan smartfonlarda we bu görnüşdäki beýleki enjamlarda ulanmak üçin niýetlenendir.
Android 12L-i smartfonlarda hem ulanyp bolar, ýöne ony diňe uly enjamlarda doly mümkinçiliginde ulanmak mümkindir. Bazarda Android-li planşetleriň köpdügine garamazdan, olar köplenç Apple-iň iPadOS-y bilen bäsleşmäge taýyn däl, sebäbi Android-iň wersiýalary uly displeýler üçin optimallaşdyrylmaýar.
Indi Google bu meselä has çynlakaý çemeleşdi. Şol bir wagtyň özünde, platformanyň täze wersiýasy nusgawy Android 12-den düýpgöter tapawutlanmaz, ýöne Android 12L-de käbir ýörite funksiýalar peýda bolar.
