Ýolagçy ekipažy bilen Crew Dragon gämisi Floridanyň kenaryna gondy

  • 19.09.2021 11:06
  • 9.8k+

Ekipažy ilkinji gezek doly raýatlardan ybarat bolan Crew Dragon kosmos gämisi Florida ştatynyň kenaryna golaýda Atlantik ummanyna gondy. Ýaýlym SpaceX kompaniýasynyň saýtynda görkezildi diýip, TASS habar berýär.

Ekipažyň agzalary Inspiration4 missiýasynyň çäginde skafandr geýip, gonmaga birnäçe sagat öňünden taýýarlanyp başladylar. Aşak düşmezden, takmynan, bir sagat öň Crew Dragon-yň hereketlendirijileri awtomatiki usulda işledi, bu oňa orbita belentligini peseltmäge mümkinçilik berdi. ABŞ-nyň Gündogar kenarynyň wagty bilen 19:00-da gämi atmosferanyň dykyz gatlagyna girdi, birnäçe minutdan onuň esasy paraşýutlary goýberildi. 19:08-de ýaýlymy alyp baryjy gäminiň suwa gonandygyny tassyklady.

Kosmos gämisi Ýer orbitasynda üç gün boldy. Bu wagtyň dowamynda ekipažyň agzalary birnäçe ylmy barlaglary geçirdiler. Hünärmenler agramsyzlyk ýagdaýynyň adam organizme ýetirýän täsirine üns berdiler. SpaceX-iň maglumatlaryna görä, olaryň netijeleri “adamlaryň hem Ýerde, hem geljekki uçuşlaryň dowamynda saglygyny gorap saklamak üçin uly ähmiýete eýe bolar”.

Uçuş wagtynda gämi 590 km belentlikdäki orbita ýetdi, bu Halkara kosmos stansiýasynyň orbitasyndan (420 km töweregi) ep-esli ýokarydyr.


28.08.2025 23:44
1.8k+

SpaceX-iň köp gezeklik Falcon 9 raketasy 30-njy uçuşyny amala aşyrdy

28-nji awgustda SpaceX kompaniýasy Falcon 9 raketasyny üstünlikli uçurdy – ol Ýere golaý orbita Starlink internet aragatnaşyk ulgamynyň täze hemralaryny çykardy. Raketanyň B1067 belgili birinji köp gezeklik basgançagy uçuşdan soň Ýere gaýdyp geldi we eýýäm 30-njy gezek Atlantika ummanyndaky ýüzýän platformada asuda gondy...

28.08.2025 12:21
4.6k+

Mask Starship-de ýokary tizlikli uçuşlary wada berýär: Nýu-Ýorkdan Londona 10 minutda

Ilon Mask özüniň soňky çykyşynda ýene Starship kosmos gämisini Ýerde ýokary tizlikli uçuşlar üçin ulanmak mümkinçiligi barada söz açdy. SpaceX-iň ýolbaşçysynyň aýtmagyna görä, Los-Anjeles we Sidneý, Los-Anjeles we Tokio ýa-da Nýu-Ýork we Singapur ýaly şäherleriň arasyndaky syýahat 30 minutdan hem az wagt alyp biler...

27.08.2025 11:42
2.4k+

SpaceX kompaniýasy Starship gämisiniň onunjy synag uçuşyny üstünlikli geçirdi

26-njy awgustda SpaceX amerikan kompaniýasy Starship gämisi oturdylan Super Heavy raketa göterijisiniň onunjy synag uçuşyny üstünlikli geçirdi. Çäre X sosial ulgamy arkaly göni ýaýlymda görkezildi. Kompaniýanyň berýän maglumatyna görä, synagda öňde goýlan maksatlara ýetildi we bu uçuş "dünýäde ilkinji dolulygyna köp gezeklik raketa göterijisini işläp taýýarlamakda ähmiýetli ädim» boldy...

25.08.2025 13:47
3.6k+

SpaceX Starship gämisiniň onunjy uçurylyşyny badalganyň öň ýanynda ýatyrdy

SpaceX kompaniýasy Starship kosmos gämisiniň onunjy synag uçuşyny yza süýşürdi. Näsazlyk Günorta Tehasda ýerleşýän Starbase kosmodromynyň ýerüsti ulgamlarynda ýüze çykaryldy. Meseleleri çözmek üçin goşmaça wagt gerek bolandygy sebäpli uçuş yza süýşürildi...