Tesla kompaniýasy Cybertruck elektrikli pikapyny 2022-nji ýyla çenli çykaryp ýetişmez. Bu barada “Electrek” neşiri habar berýär.
Ýagdaýdan habarly çeşmäniň aýtmagyna görä, Tesla özüniň Cybertruck elektrik kysymly awtoulagynyň öz wagtynda çykarylyp ýetişilmejekdigini kynlyk bilenem bolsa boýun aldy. Indi kompaniýanyň ýolbaşçysy Ilon Mask pikap awtoulagynyň köpçülikleýin önümçiliginiň 2023-nji ýyla çenli yza süýşürilýändigini aýtdy. Kompaniýa önümçiligiň eglenýändigini ilkinji gezek awgust aýynyň başynda mälim edipdi we elektrikli awtoulagyň önümçiliginiň 2022-nji ýyla çenli yza süýşürilendigini habar beripdi.
Mask bu ýagdaýyň ýarymgeçiriji bazaryndaky kynçylyklar sebäpli ýüze çykandygyny aýdýar. Mundan başga-da, kompaniýa Cybertruck-yň käbir aýratynlyklary sebäpli birnäçe kynçylyklar bilen ýüzbe-ýüz boldy. Hususan-da, awtoulagda polat ekzoskelet korpusy bar. Bu bolsa öz gezeginde düýbünden täze önümçilik amallaryny talap edýär.
