Ýakyn aýlarda Amazon geçen ýylky köpçülikleýin işe almagyň üstüne goşmaça hökmünde 55 müň täze işgäri işe almagy meýilleşdirýär, bu ýagdaýda gürrüň ofis işgärleri we tehnologiýa hünärmenleri bilen baglydyr diýip, Amazon-yň baş direktory Endi Jessi Reuters agentligine beren interwýusynda aýtdy. Bu onuň iýul aýynda bu wezipede işe başlany bäri ilkinji uly interwýusy boldy diýip, kommersant.ru habar berýär. Amazon ABŞ-da 40 müň töweregi, Beýik Britaniýada 2,5 müň, beýleki ýurtlarda, esasanam, Germaniýada, Ýaponiýada we Hindistanda 12,5 müň işgäri işe almagy meýilleşdirýär.
Reuters agentliginiň bellemegine görä, işgärleriň şeýle sany Google-iň ähli işgärleriniň üçden birine ýa-da Facebook-yň tas ähli işgärlerine deň gelýär. Amazon-yň özi üçin bu ofis we tehnologiýa hünärmenleriniň ştatynyň häzirki 275 müňden 20% ýokarlanmagydyr. Jenap Jessi şeýle köp işgäriň işe alynmagynyň riteýlde, bulut tehnologiýalarynda, mahabatda bäsdeşlerden galmazlyk üçin we hemralary uçurmak (2019-njy ýylda işe girizilen Kupier taslamasy) ýaly ugurlarda ösüş gazanmak üçin gerekdigini belledi.
Geçen ýyl Amazon 500 müň töweregi täze işgäri işe aldy. Ýöne şonda bu, esasan, ammar, eltip berme hyzmatlary boýunça pes hünärli işgärler bilen baglydy.
