Özbegistandaky Gyzylgum çölünde dinozawryň galyndylary ýüze çykaryldy

  • 12.09.2021 07:36
  • 19k+

Ýaponiýaly we kanadaly hünärmenler Özbegistanyň Gyzylgum çölünde görnüşi näbelli bolan dinozawryň galyndylarynyň üstünden bardylar. Bu barada gazeta.ru habar berdi.

Alymlar gumdan tapylan dinozawr süňküni bir wagtlar iýmit zynjyrynyň başyny çeken äpet dinozawrlaryň täze görnüşine degişli diýip kesgitlediler. Bu baradaky makala Beýik Britaniýanyň “Royal Society Open Science” žurnalynda çap edildi.

Gabarasy awtobusyň ululygyndaky bu dinozawryň 15 santimetr ululykda ýiti dişleri bolupdyr. Ol, takmynan, 90 million ýyl mundan ozal - hek döwründe, tirannozawrlardan hem öň ýaşapdyr, ýöne şol bir wagtyň özünde olardan has uly bolupdyr. Bu ýyrtyjy hem, edil tirannozawrlar ýaly, iki yzky aýagynda ýöräp, onuň uly kellesi we ýiti dyrnakly gysga öň aýaklary bolupdyr.

Ulughbegsaurus uzbekistanensis diýlip atlandyrylan täze görnüşiň agramy bir tonnadan gowrak, bedeniniň uzynlygy burnundan guýruga çenli 7,5–8 metr bolup, ol karharodontozawridler - Carcharodontosauridae maşgalasyna degişlidir. 


düýn 13:37
5.5k+

Müsürde suwdan gadymy Kanopus şäheriniň bölekleri çykaryldy

Müsür häkimiýetleri Aleksandriýanyň golaýynda Abu-Kir aýlagynda ýerleşen suwa giden gadymy şäheriň böleklerini gury ýere çykardy diýip, The Guardian habar berýär. Bu Müsüri tas 300 ýyl dolandyran Ptolemeý nesilşalygynyň dolandyran we 600 ýyl töweregi ýurdy dolandyran Rim imperiýasynyň döwründe möhüm merkeze öwrülen Kanopus şäheri hasaplanýar...

düýn 13:26
2.8k+

Paleontologlar dinozawrlaryň ýelken şekilli arkasy bolan täze görnüşini açdy

Paleontologlar dinozawrlaryň ýelken şekilli arkasy bolan täze görnüşini açdy. Istiorachis macarthurae adyny alan bu jandarlar 120 mln ýyldan gowrak ozal Angliýanyň günorta kenaryndan uzak bolmadyk ýerde ýaşapdyr diýip, Londondaky Tebigy taryh muzeýine salgylanyp, CNN habar berýär...

25.08.2025 13:04
2.7k+

Awstraliýada adam derisine has ýakyn deri nusgalary ösdürilip ýetişdirildi

Kwinslend uniwersitetiniň ýanyndaky Freýzer institutynyň barlaghanasyndan awstraliýaly alymlar ilkinji gezek doly derejede adam derisiniň gurluşyny gaýtalaýan deri nusgalaryny ösdürip ýetişdirdi. Bu barada ABC ýaýlym korporasiýasy habar berdi...

23.08.2025 12:32
5.4k+

Alymlar žiraflary dört görnüşe böldi

Halkara tebigaty goramak birleşigi (IUCN) žiraflary resmi taýdan dört görnüşe böldi. Ozal olaryň hemmesi bir görnüş diýlip hasaplanýardy diýip, Bi-bi-si belleýär. Indi ylym şu aşakdakylary tapawutlandyrýar: Demirgazyk...