Amerikanyň oba hojalyk tehnikalaryny öndürýän meşhur John Deere kompaniýasy "Bear Flag Robotics" startapyny satyn aldy. Şertnamanyň bahasy 250 million dollar boldy diýip, transler.ru habar berdi.
2017-nji ýylda döredilen bu startap ABŞ-nyň Silikon jülgesinde ýerleşýär. Ol oba hojalyk tehnikalarynyň özbaşdak işlemegi üçin ulgamlary işläp düzmek bilen meşgullanýar. Kompaniýalaryň birleşmegi ýurduň oba hojalyk kärhanalarynda oba hojalyk tehnikalarynyň awtomatlaşdyrylan dolandyryş ulgamlarynyň önümçilige çalt ornaşdyrylmagyna gönükdirilendir. John Deere-iň sürüjisiz ulaglary döretmek boýunça meýilnamalary uzak möhlete niýetlenilip, bu "akylly" tehnikalar müşderileriň isleglerini doly kanagatlandyrar diýlip garaşylýar.
Täze enjamlaryň ählisi häzirki zaman tehnologiýalarynyň kömegi bilen öndüriler we olar ýokary öndürijilige hem-de ýokary hile eýe bolarlar. Olaryň has kämilleşdirilmegi daýhanlaryň hasylynyň we girdejileriniň has-da artmagyna görnetin itergi berer diýip, çeşme belleýär.
