Estoniýanyň parlamenti sişenbe güni ýapyk ses berişlik arkaly nobatdan daşary sessiýada Estoniýanyň Milli muzeýiniň müdiri Alar Karisi respublikanyň prezidenti wezipesine saýlady. Onuň kandidaturasyny 101 deputatdan 72-si goldady, sekiz býulleten doldurylman galdy. Ses berişlige 80 deputat gatnaşdy.
30 ýylyň içinde ilkinji gezek Estoniýanyň prezidenti bäsdeşlik bolmazdan saýlandy. Karis ses berişligiň ikinji tapgyrynyň dowamynda saýlandy. Duşenbe güni geçirilen birinji tapgyryň dowamynda oňa 101 deputatdan 63-si ses berdi. Saýlanmak üçin ol azyndan 68 ses almalydy diýip, INTERFAX.RU belleýär.
Karis 1958-nji ýylyň 26-njy martynda doguldy. Ol molekulýar genetik we ösüş biology, şeýle-de Estoniýanyň Tebigy ylymlar uniwersitetiniň (2003 – 2007) we Tartu uniwersitetiniň (2007 – 2012) öňki rektorydyr. 2013-nji ýyldan ol döwlet gözegçisi bolup işledi, 2017-nji ýylda Estoniýanyň Milli muzeýine ýolbaşçy boldy.
Onuň aýaly Sirýe Karis Tartu şäher muzeýiniň müdiri. Olaryň uly iki ogly we gyzy bar.
Häzirki wagtda Estoniýanyň prezidenti 2016-njy ýylda bu wezipä saýlanan Kersti Kalýulaýddyr.
