Türkmen Lideriniň Ekspo-2020 sergisiniň açylyşyna gatnaşmagy meýilleşdirilýär

  • 17.08.2021 12:05
  • 15k+

16-njy awgustda Türkmenistanyň daşary işler ministriniň orunbasary Berdiniýaz Mätiýew golaýda diplomatik wezipesine girişen Birleşen Arap Emirlikleriniň Türkmenistandaky Adatdan daşary we Doly ygtyýarly ilçisi Ahmed Alhaý Al-Hameli bilen duşuşdy. Diplomatlar türkmen-emirlikler hyzmatdaşlygynyň ileri tutulýan ugurlaryny, şol sanda türkmen wekiliýetiniň Ekspo-2020 bütindünýä sergisiniň açylyş dabarasyna gatnaşmagy bilen bagly meseleleri ara alyp maslahatlaşdylar.

Al-Hameli Türkmenistan bilen Birleşen Arap Emirlikleriniň arasyndaky ähli ugurlar boýunça gatnaşyklaryň derejesine kanagatlanma bildirip, iki dostlukly ýurduň taryhy kökleriniň umumylyklary barada belläp geçdi.

BAE-niň WAM täzelikler agentliginiň ýazmagyna görä, türkmen tarapynyň wekili, öz gezeginde, iki ýurduň arasyndaky netijeli gatnaşyklara ýokary baha berip, diplomata täze bellenen wezipesini ýerine ýetirmekde Türkmenistanyň Hökümetiniň ähli tagallalary etjekdigini ynandyrdy.

Türkmenistanyň Prezidenti Gurbanguly Berdimuhamedowyň Dubaýda geçiriljek Ekspo-2020 sergisiniň açylyş dabarasyna gatnaşmagynyň mümkinçilikleri ara alnyp maslahatlaşylan meseleleriň esasyny düzdi. Ýeri gelende bellesek, türkmen Lideri 2017-nji ýylda Gazagystanda we Italiýada, 2010-njy ýylda Hytaýda geçirilen Ekspo sergilerinde Türkmenistanyň pawilýonlarynyň açylyş dabaralaryna hem gatnaşypdy.

Pandemiýa sebäpli yza süýşürilen Ekspo-2020 bütindünýä sergisinde Türkmenistanyň milli gününi 9-njy oktýabrda guramak meýilleşdirilýär. Çagyrylan myhmanlaryň gatnaşmagynda gözden geçirilişiň açylyş dabarasyny 30-njy sentýabrda geçirmek göz öňünde tutulýar. Dünýäniň 192 ýurduny bir ýere jemlejek Ekspo-2020 sergisi 2022-nji ýylyň 31-nji martyna çenli dowam eder.


düýn 17:40
6.9k+

Aşgabatda Ankara köçesiniň durkuny täzelemek boýunça tender yglan edildi

Türkmenistanyň Gurluşyk we binagärlik ministrligi Aşgabatda Ankara köçesiniň durkuny täzelemek boýunça halkara bäsleşik yglan etdi. Bu barada «Türkmenistan» gazetinde habar berilýär. Gyzyklanma bildirýän kompaniýalaryň we guramalaryň teklipleri bellenilen tertipde kabul edilýär...

düýn 07:32
6.5k+

Antoniu Guterriş Türkmenistanyň Prezidentine hoşallygyny beýan edip hat ýazdy

Birleşen Milletler Guramasynyň Baş sekretary Antoniu Guterriş Türkmenistanyň Prezidenti Serdar Berdimuhamedowa Awazada BMG-niň maslahatynyň üstünlikli geçirilmegine hoşallyk bildirip hat iberdi. Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahaty 2025-nji ýylyň 5 — 8-nji awgustynda geçirildi...

27.08.2025 16:43
6.5k+

6-njy sentýabrda Aşgabatda hukuk meseleleri boýunça raýatlaryň jemgyýetçilik kabul edişligi bolar

6-njy sentýabrda Aşgabatda Türkmenistanyň Adalat ministrliginiň binasynda hukuk meseleleri boýunça raýatlaryň jemgyýetçilik kabul edişligi geçiriler. Bu barada «Neýtralnyý Türkmenistan» gazeti habar berýär. Jemgyýetçilik kabul edişligine Türkmenistanyň Adalat ministrliginiň, Baş prokuraturasynyň, Ýokary kazyýetiniň işgärleriniň we Aşgabat şäher adwokatlar kollegiýasynyň agzasy gatnaşar...

27.08.2025 16:22
5.7k+

Türkmenistanyň Prezidenti Moldowany Garaşsyzlyk güni bilen gutlady

Prezident Serdar Berdimuhamedow Moldowa Respublikasynyň Prezidenti hanym Maýýa Sanduwа we ýurduň ähli halkyna Moldowa Respublikasynyň Garaşsyzlyk güni mynasybetli tüýs ýürekden gutlaglaryny hem-de iň gowy arzuwlaryny iberdi...