Ispaniýanyň günortasyndaky Andalusiýa awtonom jemgyýetinde täze temperatura rekordy hasaba alyndy. Bu barada Döwlet meteorologiýa agentliginiň sebit bölümi Twitterde habar berdi diýip, TASS belleýär.
“Şenbe güni Montoro munisipalitetinde iň ýokary temperatura: 47,2 gradus” – diýlip, habarda aýdylýar.
Mundan öňki rekord 2017-nji ýylyň iýul aýynda Kordowada (Andalusiýanyň awtonom jemgyýeti) hasaba alyndy, şonda termometr 46,9 gradusy görkezdi.
11-nji awgustdan bäri Ispaniýanyň ähli ýerinde diýen ýaly güýçli yssy howa bolýar. Şonuň netijesinde, Döwlet meteorologiýa agentligi käbir welaýatlarda howa howpunyň derejesini iň ýokary - gyzyl derejä çykardy.
