ABŞ-nyň günorta-günbatarynda howanyň temperaturasy adatdan daşary derejä ýetip, ozalky iň ýokary görkezijileri täzeledi. Bilermenler sebitdäki mart aýy üçin rekord derejedäki bu jöwzany global howa üýtgemegi bilen baglanyşdyrýarlar.
19-njy martda Arizona ştatynyň çöllüginde termometrler ABŞ-da şu aý üçin ozal görlüp-eşidilmedik 43,3 °C yssylygy görkezdi. Arizona we Günorta Kaliforniýanyň meteorologik beketlerinde hem howanyň gyzgynlygynyň 43 °C golaýlandygy bellenildi. Soňky günler sebitde howa 37 °C çenli maýlady.
Wiktoriýa uniwersitetiniň klimatology Endrýu Wiwer: «Howanyň düýpli üýtgeýändigi häzirki wagtda adatdan daşary tebigy hadysalaryň biziň mümkin diýip hasaplaýan çägimizden çykyp barşynda-da mese-mälim görünýär» diýip, ýagdaýa ýörite hünärmeniň gözi bilen baha berýär.
World Weather Attribution halkara alymlar topary mart aýynda mundan aňryk boljak yssylaryň ynsanyň tebigata we klimata ýetirýän täsiriniň netijesidigini belleýärler.
Mundan ötri, bilermenler şeýle ekstremal howa hadysalarynyň gitdigiçe ýygy-ýygydan gaýtalanýandygyny we olaryň özlerine mahsus bolmadyk wagtda hem ýüze çykyp biljekdigini duýdurýarlar.
