Sulawesi adasynda dünýäniň rekordlar sanawyny täzelän ýylan tapyldy. Ibu Baron (Baronessa) diýlip atlandyrylan torjumak urkaçy piton Ýer ýüzünde iň uzyn ýabany ýylan diýlip resmi taýdan ykrar edildi we Ginnesiň rekordlar kitabyna girizildi.
Ýylanyň kellesinden guýrugynyň ujuna çenli uzynlygy 7,22 metre, agramy bolsa uly pandanyň agramy bilen deňeşdirerlik derejede — 96,5 kilograma ýetýär.
Hünärmenler ýylany uky dermanlaryny ulanmazdan ölçedi. Alymlaryň bellemegine görä, Baronessa dartgynly ýagdaýdady, ýöne asuda ýagdaýynda ol hatda 7,9 metre çenli uzalyp biler. Diýmek, Baronessa rekordy uly tapawut bilen goýdy.
Äpet ýylan 2025-nji ýylyň ahyrynda tapyldy. Häzirki wagtda ol indoneziýaly tebigaty goragçy Budi Purwantonyň gözegçiliginde saklanýar. Pitonyň ýagdaýyna we howpsuzlygyna hut bu hünärmen gözegçilik edýär.
Ýabany torjumak pitonlaryň arasyndaky mundan ozalky rekord 6,95 metre deňdi. Şol urkaçy ýylan 1999-njy ýylda Borneo adasynda tapyldy. Täsin ýeri, bu ýylan diňe trekerli Malaý aýysyny ýuwdandygy sebäpli tapylypdy.
Torjumak pitonlar zäherli däldir. Olar, adatça, ownuk haýwanlar bilen iýmitlenseler-de, olaryň iri wekilleri itlerden başlap, geçilere we maýmynlara çenli has uly awlary hem ýuwdup bilýär.
Indoneziýada täsin ululykda piton tapyldy: ýylanyň uzynlygy 7 metrden geçýär
- şu gün 15:41
- 3.7k+
