Gonkongda we Hytaýyň bazarynda öňe çykyp ugran özboluşly enjam öndürijisi bolan Mony söwda markasy dünýäde iň kiçi 4G smartfony hasaplanýan gaty kiçi we ýeňil “Mony Mint”-i çykardy. Enjam LTE baglanyşygyny goldaýan 3,3 dýuýmlyk “Palm Phone”-dan birneme kiçi 3 dýuýmlyk duýgur ekran bilen üpjün edilen. Bu barada Astera habar berýär.
"Mony Mint" kaşaň dizaýny bilen özüne çekýär. Elýeterli portlaryň we gapdal düwmeleriň sanynyň azlygy minimalistik dizaýnyň üstüni ýetirýär: onda USB-C portundan daşary diňe sesi dolandyrýan we öçürip-ýakýan düwmeler bar.
Çaklaňja smartfon 3 Gb RAM we 64 Gb içerki ýat bilen üpjün edilip, onuň ýadyny SD kart üçin niýetlenen ýer arkaly 164 Gb-e çenli ulaldyp bolýar. Iki SIM-kartaly smartfon özünde gelýän programmalar bilen hem tapawutlanýar.
“Mony Mint” “Android 9”-da işlär we dünýäniň esasy simsiz ulgamlaryna baglanmaga ukyplydyr. Şeýle hem onuň gapagynyň astynda 1250mAh akkumulýator bolup, ol doly zarýad bilen batareýany 72 sagada (3 gün) çenli işledip bilýär.
