«Awaza» Milli syýahatçylyk zolagynda Merkezi Aziýanyň döwlet Baştutanlarynyň konsultatiw duşuşygy tamamlanandan soňra Merkezi Aziýanyň döwlet Baştutanlarynyň nyşanyny gowşurmak dabarasy boldy. Täjigistanyň Prezidenti Emomali Rahmon bu nyşany ilkinji bolup alan Merkezi Aziýanyň Prezidenti boldy.
Merkezi Aziýanyň döwlet Baştutanlarynyň 2021-nji ýylyň 6-njy awgustyndaky 001 belgili Karary bilen Merkezi Aziýa döwletleriniň arasynda dostlugy, hoşniýetliligi, özara düşünişmegi we hyzmatdaşlygy ösdürmekde, sebitde parahatçylygy we howpsuzlygy berkitmekde, sebit ýurtlarynyň bilelikdäki bähbitlerini we başlangyçlaryny halkara giňişliginde ösdürmekde möhüm hyzmatlary üçin Täjigistanyň Prezidenti Merkezi Aziýa döwlet Baştutanlarynyň Hormat nyşany bilen sylaglandy.
