Alymlar plastmassanyň tebigata ýetirýän zyýanyny azaltmagyň usulyny oýlap tapdylar. Bu barada ferra.ru habar berdi.
Has takygy, ylmy barlagçylar plastik galyndylary iýilýän beloga öwrüp biljek tehnologiýany döretdiler. Tehnologiýa sintetiki biologiýa ýörelgelerine esaslanýar. Munda alymlar, esasan hem, mikroblaryň genomyny redaktirlediler, şonuň netijesinde bolsa olar plastik galyndylary dargadyp, beloga öwrüp bilerler. Daşyndan başgaça ýaly bolup görünse-de, bu hem edil beýleki çeşmeleriň üsti bilen kabul edilýän belok ýaly iýilýän belokdyr.
Mälim bolşy ýaly, plastik galyndylaryna çözülmesi kyn ekologiýa meselesi hökmünde garalýar. Olar ummanlara zyňylýarlar hem-de janly organizmlere, şol sanda suw içýän we deňiz önümlerini iýýän adamlara zyýan berýär. Täze açyş şeýle zyýanlaryň öňüni almakda aýgytly ädim bolar diýip, ylmy barlaga gatnaşyjylar nygtaýarlar.
Mundan başga-da, alymlar plastmassany ýangyç çeşmesine öwrüp biljek tehnologiýany hem döretmegi maksat edinýärler diýip, çeşme belleýär.
