Hytaýly türgenler garyşykda 10 metrden pnewmatik sapança we pnewmatik tüpeňden atmak boýunça ýaryşlarda Tokiodaky Olimpiýa oýunlarynyň altyn medalyny gazandylar. Ýagny, garyşykda 10 metrden pnewmatik sapança bilen atmakda Szýan Žansin bilen Pan Weý 16:14 hasabynda kümüş medal alan russiýaly türgenler Witalina Basaraşkina bilen Artýom Çernousowy ýeňdi. Bürünç medala ukrainaly garyşyk jübütler Ýelena Kostewiç bilen Oleg Omelçuk mynasyp boldy.
Şeýle-de, garyşykda 10 metrden pnewmatik tüpeň bilen atmakda hem hytaýly türgenler ýeňiş gazandy. Finalda Hytaýyň wekilleri Ýan Sýan bilen Ýan Haožan 17:13 hasabynda amerikaly türgenler Meri Taker bilen Lukas Kozeneskini ýeňdi. Bürünç medaly russiýaly türgenler Ýuliýa Karimowa bilen Sergeý Kamenskiý aldy.
