Hytaýyň suwda sinhronly ýüzmek boýunça milli ýygyndysy Singapurda geçirilýän dünýä çempionatynda 348,4779 utuk gazanyp, topar hasabynda altyn medal aldy. Bu barada World Aquatics halkara federasiýasynyň metbugat gullugy habar berýär.
Türgenleriň arasynda 17 ýaşly Sýuý Hueýýan tapawutlandy. Bir gün öň ol “solo” dissiplinasynda altyn medal gazanyp, iki günde iki gezek dünýä çempiony boldy.
Kümüş medaly 334,7232 utuk bilen Ýaponiýanyň milli ýygyndysy aldy. Bürünç medala 321,1328 utuk gazanan Ispaniýanyň topary mynasyp boldy.
Ispaniýaly sinhronly ýüzüjiler soňky 14 ýylda topar hasabynda münbere ilkinji gezek çykdy.
Sportuň suw görnüşleri boýunça dünýä çempionaty 11-nji iýuldan 3-nji awgust aralygynda Singapurda geçirilýär.
