Gonkongda saud “Al-Nasrynyň” we Portugaliýanyň milli ýygyndysynyň hüjümçisi Kriştianu Ronalduwa bagyşlanan wagtlaýyn muzeý açyldy. Bu barada Blooloop habar berýär.
Muzeý K11 çeperçilik-medeni merkezinde ýerleşýär. Sergi 365 müň inedördül metr meýdany eýeleýär we 40 ýaşly futbolçynyň karýerasy bilen baglanyşykly 40 töweregi obýekti öz içine alýar. Olaryň arasynda Ronaldunyň 2008-nji ýylda alan “Altyn topy” we “Altyn butsy” bar. Mundan başga-da, futbol ýyldyzynyň mumdan ýasalan heýkeli bilen surata düşmek bolýar.
Myhmanlar Ronaldunyň Lissabondaky çagalygyndan gaýtadan döredilen otagyny görüp biler. VIP-petekleriň eýesine türgeniň öz YouTube kanaly üçin wideo ýazýan studiýalary hem görkeziler.
Petekler sagatda 500 myhmana niýetlenip satylýar.
Serginiň guramaçylary ýakyn wagtda futbolçynyň özüniň hem gelmegine garaşylýandygyny aýtdy. Sergi 2026-njy ýylyň iýun aýynyň ahyryna çenli açyk bolar, şondan soň ony materik Hytaýa geçirmek meýilleşdirilýär.
