Denis Ablýazinden, Dawid Belýawskiden, Artur Dalaloýandan we Nikita Nagornydan ybarat bolan Russiýanyň sport gimnastikasy boýunça milli ýygyndysy toparlaýyn mnogoborýede Olimpiýa oýunlarynyň ýeňijisi boldy.
Rus türgenleri bäş maşk üçin jemi 262,500 bal gazandylar. Ikinji orny Ýaponiýanyň topary (262,397), üçünji orny hytaý topary (261,894) eýeledi. Russiýanyň milli ýygyndysy programmanyň jemleýji görnüşinden öň ýaponiýaly türgenlerden 0,537 bal öňe geçdi. Russiýaly gimnastikaçylardan iň soňky bolup Nikita Nagornyý çykyş etdi – erkin maşklarda ol 14,666 bal gazandy. Ýaponiýanyň toparyndan ýaryşy Daýki Haşimoto tamamlady, onuň hasabynda perekladinada edilýän maşklarda 15,100 bal bar.
Russiýaly gimnastikaçylar soňky gezek toparlaýyn mnogoborýede 1996-njy ýylda geçirilen Olimpiýa oýunlarynda ýeňiş gazanypdylar. Şonda topar üçin Alekseý Nemow, Alekseý Woropaýew, Ýewgeniý Podgornyý, Dmitriý Wasilenko, Sergeý Harkow, Nikolaý Krýukow we Dmitriý Truş çykyş etdi.
